“Insan huqıqları boyınsha Ózbekstan Respublikasınıń Milliy strategiyasın tastıyıqlaw haqqında”ǵı pármanǵa jańa párman menen ózgerisler kirgizildi.
Pármannıń 3-qosımshasına kirgizilgen ózgerislerge bola, BMShtıń waqtınsha ilajlar haqqındaǵı múrájatların kórip shıǵıw tártibi belgilendi.
Oǵan bola, BMShtıń shártnamalıq komitetleri tárepinen jiberilgen waqıtsha ilajlar haqqındaǵı múrájat Sırtqı isler ministrligi arqalı kelip túskennen soń bir kún múddette Insan huqıqları boyınsha Ózbekstan Respublikası Milliy orayı hám Ádillik ministrligine jiberiledi.
Oray bir kún múddette juwapker mámleketlik uyımlarǵa soraw jiberip, olardan waqıtsha ilajlardı ámelge asırıw boyınsha operativ ilajlar kóriw hám zárúrlik payda bolǵanda, tiykarlanǵan túsinik beriwdi soraydı.
Mámleketlik uyımlar úsh kún múddette ámelge asırılǵan ilajlar yamasa ámelge asırılıwı rejelestirilgen ilajlar boyınsha túsinikti orayǵa usınadı.
Oray jumısshı topar menen birgelikte toplanǵan maǵlıwmatlar tiykarında úsh kún múddette Húkimettiń rásmiy kózqarasın qáliplestiredi hám Sırtqı isler ministrligine jiberedi.
Húkimettiń rásmiy kózqarası Sırtqı isler ministrligi tárepinen eki kún múddette BMShtıń shártnamalıq komitetlerine jiberiledi.

N.Abduraimova, ÓzA