Jaslar isleri agentliginde dúnyanıń eń abıraylı universitetlerinde bilim alıw imkaniyatın qolǵa kirgizgen hám keleshekte Ózbekstannıń rawajlanıwına úles qosıwdı maqset etken “El-yurt umidi” stipendiantları menen ushırasıw bolıp ótti.
Dáslep olarǵa jaslar ushın shólkemlestirilgen iri joybarlar tanıstırıldı. Bunnan soń agentlik direktorı Alisher Sadullaev jaslarǵa sırt mámleketlerde tek student emes, al Ózbekstannıń mádeniy elshileri sıpatında Watanımız imidjin joqarılatıw boyınsha óz usınısların berip ótti.
Ushırasıw juwmaǵında stipendiatlarǵa zamanagóy pikirlewdi qáliplestiretuǵın “Venchur zehniyati” kitabı jáne “Ibrat Academy” hám “Mutolaa” joybarlarınıń premium jazılıwları tapsırıldı.
Ashıqtan-ashıq sóylesiw qızǵın soraw-juwaplar hám jańa usınıslardı dodalaw menen juwmaqlandı.

Gulnoza Boboeva, ÓzA