Qaraqalpaqstan Respublikası prokurorı Sh.Aminov Qońırat rayonında bolıp, jaslar menen ushırastı.
Tikkeley sóylesiw túrinde ótkerilgen bul ushırasıwda prokuratura uyımlarına biriktirilgen jaslar hám olardıń shańaraq aǵzaları menen sáwbetlesip, dáslep elimizdegi xalıqshıl reformalar hám olardıń turmıslıq kórinisi, jaslar ushın jaratılǵan imkaniyatlar hám jeńillikler haqqında tolıq túsinikler berildi.
Jaslardıń sanasında Watanǵa sadıqlıq, keleshekke bolǵan isenim, olarda kúshli ruwxıy immunitetti qáliplestiriw, adasqanlardı durıs jolǵa qaytarıw, jawızlıqqa qarsı aǵartıwshılıq penen gúresiw, jaslar arasında júz berip atırǵan jınayatshılıq hám huqıqbuzarlıqlardıń aqıbetleri boyınsha pikir alısıldı, olardıń múrájat hám usınısları tıńlandı.
Bunnan soń rayonnıń “Temir jol” MPJda “Jasıl dáramatlı máhálle,” “Energiya únemlewshi abat máhálle” baǵdarlamaları boyınsha energiya dereklerin engiziw baǵdarında ámelge asırılıp atırǵan jumıslar boyınsha juwapkerlerdiń prezentaciyası menen tanıstı.

Qaraqalpaqstan xabar agentligi