Birlesken Arab Ámirlikleri Bilimlendiriw ministrligi mámlekettegi barlıq bilimlendiriw mákemelerine generativ jasalma intellektten paydalanıwdı tártipke salıwshı jańa májbúriy qollanbanı jiberdi.
Jańa tártipke bola, 7-klasstan kishi yamasa 13 jasqa tolmaǵan oqıwshılarǵa ChatGPT sıyaqlı jasalma intellekt qosımshalarınan paydalanıw qadaǵan etiledi.
Bul sheklew akademiyalıq hadallıqtı támiyinlew, oqıwshılardıń qáwipsizligin kúsheytiw hám bilimlendiriw procesinde tártip-intizamdı saqlaw maqsetinde engizildi. Qaǵıyda 2026-jılǵa mólsherlengen “Klasslarda jasalma intellektten qáwipsiz hám juwapkershilikli paydalanıw” qollanbasında tolıq bayan etilgen.
Hújjette jasalma intellektten paydalanıwdıń anıq sheńberi hám shegarası belgilep berilgen. Ministrlik tárepinen tastıyıqlanbaǵan jaǵdaylarda bul texnologiyalardan paydalanıw ámeldegi bilimlendiriw qaǵıydasına muwapıq, juwapkershilikke sebep bolıwı múmkin.

F. YaXShIBOEVA,
ÓzA