Oliy Majlis Senatına BMSh Demografiyalıq qorı (UNFPA)nıń Ózbekstandaǵı wákilxanasınıń basshısı Nigina Abbaszade keldi.
Senat Baslıǵı Tanzila Norboeva menen ushırasıwda UNFPAnıń demografiyalıq siyasat, reproduktivlik salamatlıq hám gender teńlik tarawlarında alıp barıp atırǵan ámeliy járdemi jáne BMSh sistemasındaǵı isenimli sherik sıpatındaǵı áhmiyeti atap ótildi.
Mámleketimizde birinshi márte ótkerilip atırǵan xalıqtı hám awıl xojalıǵın dizimge alıw ilajında Qor tárepinen tartılǵan xalıqaralıq ekspertler hám kórsetilip atırǵan metodikalıq járdemniń áhmiyeti atap ótildi.
Tárepler 2025-2026-jıllarǵa mólsherlengen birge islesiw baǵdarlaması sheńberinde nızamshılıq baslamaların islep shıǵıw, onlayn hám gender zorlıqqa qarsı gúresiw, milliy izertlewler ótkeriw hám shańaraqqa baǵdarlanǵan siyasattı rawajlandırıw baǵdarlarında birge islesiwdi jáne de tereńlestiriwge tayar ekenin bildirdi.
Ushırasıw juwmaǵında strategiyalıq sheriklikti bekkemlew hám xalıqtıń turmıs sapasın arttırıwǵa qaratılǵan birgeliktegi baǵdarlama hám joybarlardı ámelge asıratuǵın tárepler mápdar ekeni atap ótildi.

N.Abduraimova, ÓzA