Ishki isler ministrliginde Evropada qáwipsizlik hám birge islesiw shólkeminiń (EQBSh) adam sawdasına qarsı gúresiw boyınsha arnawlı wákili Kari Jonston menen ushırasıw bolıp ótti.
Onda shólkemlesken jınayatshılıqqa qarsı gúresiw, sonıń ishinde, migrantlar hám jınısıy zorlıqqa baylanıslı adam sawdasına qarsı gúresiw boyınsha regionallıq hám globallıq tendenciyalar dodalandı.
Bul túrdegi jınayatlarǵa qarsı gúresiwde málimleme texnologiyalarınıń ornı hám EQBShǵa aǵza mámleketler menen birge islesiw baylanısların ornatıw hám rawajlandırıwǵa baylanıslı máseleler kórip shıǵıldı.
Konstruktivlik hám doslıq ruwxında ótken ilajda tárepler óz-ara birge islesiw máseleleri hám keleshektegi rejeler haqqında pikir alıstı.

N.Abduraimova, ÓzA