Jaslardı sportqa tartıw, olardıń fizikalıq salamatlıǵın bekkemlew hám qábiletli sportshılardı anıqlaw maqsetinde mámleketimizde “Jańa Ózbekstan Olimpiya shıńları” sport jarısları turaqlı túrde shólkemlestirilmekte.
Usı joybar sheńberinde Qońırat rayonındaǵı 47-sanlı ulıwma bilim beriw mektebinde sporttıń stol tennisi túri boyınsha jarıs ótkerildi.
Jarıs tájiriybeli trener Islam Abdullaevtıń basshılıǵında shólkemlestirilip, onda 2012-2013-jıllar aralıǵında tuwılǵan mektep oqıwshıları belsene qatnastı.
Jarıstıń tiykarǵı maqseti oqıwshılardıń fizikalıq tayarlıǵın arttırıw, olardıń sportqa bolǵan qızıǵıwshılıǵın kúsheytiw hám qábiletli jaslardı anıqlap, keyin ala olardı professional sport jarıslarına tayarlawdan ibarat.
Jarıs dawamında oqıwshılar ózleriniń qábiletlerin kórsetiwge háreket etti.
Jeńimpazlar jarıstıń kelesi basqıshına jollama aldı.

Adxam Azatbaev,
QMU Jurnalistika tálim baǵdarı 2-kurs studenti.
Qaraqalpaqstan xabar agentligi.