Mayıplıqtı belgilew sisteması – jámiyette insan huqıqların támiyinlew, sociallıq ádillikti bekkemlew hám járdemge mútáj shaxslardı mámleket tárepinen qollap-quwatlawdıń áhmiyetli mexanizmlerinen biri.
Eski sistema boyınsha nawqaslar tek ǵana rayonlıq oraylıq poliklinikalardıń shıpakerlik-másláhát komissiyalarına awızsha múrájat etken bolsa, endi mayıplıqtı belgilew máselesinde “Insan” orayları, sociallıq xızmetkerler, my.gov.uz portalı hám shańaraqlıq shıpakerler arqalı múrájat etiw imkaniyatı jaratıp qoyıldı.
Bunnan tısqarı, ámeldegi sistema boyınsha mayıplıqtı belgilewden aldın hámme ushın birdey emleniw zárúr múddetleri (4 aydan 6 ayǵa shekem) boyınsha talap bolǵan bolsa, házirgi waqıtta bul talap biykar etilip, kesellikten kelip shıǵıp individual emleniw múddetleri hám minimal medicinalıq tekseriw normaları belgilenedi. Atap aytqanda, 22 kesellik jaǵdayı ushın – 30 kún, 201 kesellik jaǵdayı ushın – 60 kún, 237 kesellik jaǵdayı ushın – 90 kún, 788 kesellik jaǵdayı ushın – 120 kún hám 1 mıń 141 kesellik jaǵdayında emleniw múddeti talap etilmeydi.
Sociallıq qorǵaw milliy agentliginiń bas qánigesi Husen Ravshanov tarawda ámelge asırılıp atırǵan jańalıqlar haqqında maǵlıwmatlardı usındı.
Tolıq maǵlıwmat tómendegi video siltemede.

Muhayyo Toshqoraeva, ÓzA