Qaraqalpaqstan Respublikası Bajıxana basqarmasınıń Kontrabandaǵa qarsı gúresiw bólimi, MQX, IIM hám Milliy gvardiya xızmetkerleri tárepinen alınǵan maǵlıwmatlarǵa tiykarlanıp, basqa da huqıq qorǵaw uyımları xızmetkerleri menen birgelikte operativ ilaj ótkerildi.
Tórtkúl rayonında náshebentlik zatlardıń nızamsız aylanısına qarsı ótkerilgen usı ilajda 1 dana úlken zip pakette sap awırlıǵı 28,848 gramm bolǵan aq reńdegi kristall untaq tárizli zat – sintetikalıq “Metamfetamin” hám aq reńdegi ótkir iyisli jámi awırlıǵı 9,61 gramm bolǵan “geroin” náshebentlik zatları bar ekenligi anıqlandı.
Usı jaǵday boyınsha bajıxana basqarması tárepinen Ózbekstan Respublikası Jınayat Kodeksiniń 273-statyası 5-bólimi menen jınayat isi qozǵatılıp házirgi waqıtta tergew háreketleri alıp barılmaqta.

Qaraqalpaqstan xabar agentligi