Túrkiy xalıqlar tariyxında jarqın iz qaldırǵan ullı shayır hám mámleketlik ǵayratker Záhriddin Muhammed Babur ayrıqsha orın iyeleydi.
Ol mazmunlı hám jemisli dóretiwshiligi menen jáhán mádeniyatı ǵáziynesine úlken úles qosqan tulǵalardan biri.
Baburdıń ullılıǵı nede? Ullılıǵı sonda – ol basqalar qatarı ápiwayı insan bolǵan, biraq táǵdir sınaqlarına tán berip, qol qawsırıp otırǵan joq. Joqarı dárejedegi aqıl-parasatı, oy-pikiri, sabırı, mártligi menen mashaqatlı ómir jolın basıp ótip, Hind jerinde ullı Baburiyler saltanatına tiykar saldı. Qaysı bir tarawdı alıp qaramayıq, hámmesinde aldınǵı sapta, jedel boldı. Bárqulla ádillikti uran etip, múbárek jalaw etip qolında kóterip júrdi. Ápiwayı máselelerden baslap qıyın jaǵdaylarǵa shekem haqıyqatqa súyendi, ashıq-aydın sóyledi.
Táǵdir Baburdı watanınan alıslarǵa alıp ketken bolsa da, ol hámiyshe ana jurt, watan nápesi menen jasadı.

Qaraqalpaqstan xabar agentligi