Bul haqqında Prezident Shavkat Mirziyoevtiń basshılıǵında tarmaq hám aymaqlarda joqarı ekonomikalıq ósiw pátlerin támiyinlew boyınsha tiykarǵı wazıypalardı dodalawǵa baǵıshlap ótkerilip atırǵan májiliste atap ótildi.
Bunnan tısqarı, usı jıldıń ózinde Túrkiya menen 9 milliard, Pakistan menen 1 milliard 428 million dollarlıq investiciyalıq kelisimlerge qol qoyıldı.
Ministrler, tarmaq basshıları yamasa hákimler bul joybarlardıń keshiktiriliwine jol qoymaw kerek ekenligi haqqında eskertildi.
Investiciya kóbeygeni esabınan qurılıs ta artadı. Juwapkerlerge bıyılǵı qurılıs kólemin 400 trillion sumǵa alıp shıǵıp, tarawda keminde 17 procent ósiwdi támiyinlew tapsırıldı.
Bıyıl sociallıq hám óndirislik infrastruktura ushın byudjetten 40 trillion sum ajıratılmaqta. Bul qurılıs, qurılıs materialı, metallurgiya hám elektrotexnika kárxanaları ushın úlken bazar.
Biraq aymaqlardaǵı “Birden-bir buyırtpashı xızmeti” injiniring kompaniyaları qurılıs sapası hám nátiyjeliligin qadaǵalawǵa úlgermey atır. Sonlıqtan, Qaraqalpaqstan, Samarqand hám Ferǵanada buyırtpashı xızmetlerine tájiriybe tárizinde jeke menshik sektordı tartıw áhmiyetli ekenligi atap ótildi.

ÓzA