Prezident Shavkat Mirziyoevtiń basshılıǵında tarmaq hám aymaqlarda joqarı ekonomikalıq ósiw pátlerin támiyinlew boyınsha tiykarǵı wazıypalardı dodalawǵa baǵıshlanǵan májilis bolıp ótpekte.
Prezidentimiz jańa joybarlar, bárinen burın, joqarı qosımsha qunlı hám eksportqa jaramlı ónim islep shıǵarıwǵa, shiyki zat hám energiya resurslarınan nátiyjeli paydalanıwǵa, joqarı dáramatlı jumıs orınların jaratıp, miynet ónimdarlıǵın arttırıwǵa xızmet etiwi kerek ekenligin jáne bir márte atap ótti.
Biraq ayırım basshılar investiciya esabınan eksporttı kóbeytiwdi oylawdıń ornına ishki bazar tolǵan ónim islep shıǵarıwdı usınıs etip atırǵanı atap ótildi.
Máselen, Uchqwrǵon rayonında 40 million dollarlıq 2 iyirilgen jip islep shıǵarıw zavodın qurıw usınıs etilgen. Namanganda 110 mıń tonna iyirilgen jip islep shıǵaratuǵın 24 kárxana bar. Bul wálayatta alınatuǵın paxta talshıǵınan 1,5 esege kóp.
Ohangaron rayonında 35 mıń tonna bazalt plitaların islep shıǵarıw rejelestirilmekte. Biraq respublikada 12 usınday kárxana bar. Bazar taba almaǵanı ushın 6 wı toqtap qalǵan, 1 kárxana satıwǵa qoyılǵan.
Sırdáryada 10 dollar investiciya tek ǵana 1 dollar muǵdarında qosımsha qun bermekte. Buxara, Surxandárya, Qashqadáryadaǵı joybarlarda da usınday jaǵday baqlanǵan.
Juwapkerler, tarmaq basshıları hám hákimlerge 2026-jılǵı investiciyalıq baǵdarlamaǵa kirgiziw usınıs etilip atırǵan joybarlardıń bazarı, eksportı, jaratatuǵın qosımsha qunı hám jumıs ornın tolıq tallaw tapsırıldı.

ÓzA