Elektrotexnika kárxanaları ótken jılı 27 milliard sumlıq jeńillikten paydalanıp, eksporttı 83 million dollarǵa, byudjetke túsimdi 46 milliard sumǵa arttırǵan. Olar ózimizde bolmaǵan alyumin katankanı import bajısı boyınsha jeńillik múddetin sozıwdı soraǵan.
Tap usınday zergerlik sanaatı ushın qımbat bahalı hám yarım qımbat bahalı taslarǵa, metallurgiya sanaatı ushın joqarı temperaturaǵa shıdamlı boyawlarǵa, azıq-awqat kárxanaları paydalanatuǵın citrus koncentratlarına da bajı belgilengen. Juwapkerlerge jergilikli kárxanalar ushın shiyki zat importına bajılardı tolıq qayta kórip shıǵıw tapsırıldı.
Gilem islep shıǵarıwshılarǵa kepillikli shiyki zat bazası jaratılǵanı sebepli úsh jılda tarawda eksport 2 esege arttı. Yamasa mebelshiler ushın aǵash alıp keliwge jeńillik beriliwi esabınan bul tarmaqta da eki jılda óndiris 1,4 esege kóbeydi.
Mebel islep shıǵarıwshılar polimer, esik-qapı islep shıǵarıwshılar alyumin shiyki zatın, turmıslıq ximiya kárxanaları pigment hám aromatlastırıwshı, ulıwma, islep shıǵarıwshılardıń ónimin qadaqlaw ushın qaǵaz hám karton rezervin jaratıw máselesin kótergen.
Sırtqı bazarda shiyki zat arzan waqıtta rezervlew ushın jeńilletilgen resurs bolsa, transport qárejetiniń bir bólegi qaplansa, bunday tarmaqlar da ekonomikalıq ósiwge úlken túrtki beredi.
Mámleketimiz basshısı kishi kárxanalardıń shiyki zatqa talabın anıqlap, qaysı mámleketten, qansha muǵdarda hám qanday bahada alıp keliwi, transport qárejetin esap-sanaq etip, shiyki zat rezervin qáliplestiriw wazıypasın qoydı.
Prezident Shavkat Mirziyoev videoselektor májilisin dawam ettirmekte.

ÓzA