Prezident Shavkat Mirziyoevtiń basshılıǵında tarmaq hám aymaqlarda joqarı ekonomikalıq ósiw pátlerin támiyinlew boyınsha tiykarǵı wazıypalardı dodalawǵa baǵıshlanǵan májilis dawam etpekte.
Elimizde jılına 650 mıń dana avtomobil islep shıǵarıw quwatlılıǵına iye 4 iri kárxana bar.
Usı jılı 300 den aslam jergilikli kárxanalar menen kooperaciya tiykarında jáne 763 detaldı islep shıǵarıwdı baslaw áhmiyetli ekeni atap ótildi. Islep shıǵarılatuǵın avtomobiller sanın 510 mıńǵa jetkeriw zárúr.
Xalıqtıń jergilikli avtomobillerge talabın xoshametlew maqsetinde avtokredit stavkasın tómenletiw hám kólemin arttırıw ilajın kóriw tapsırıldı.
Diyqan hám fermerlerde baǵshılıq traktorı, nál egiwshi, zúráát jıynawshı, kartoshka qazıwshı agrotexnikalarǵa talap artıp barmaqta.
Shırshıqtaǵı klaster tolıq quwatlılıqta islep, agrotexnikalardı arzan bahada islep shıǵarsa, lizing kompaniyaları menen qolaylı finanslıq instrumentler islep berilse, diyqan hám fermerler jılına keminde 15 mıń texnikanı satıp alıwǵa tayar.
Ulıwma, avtomobil sanaatı juwapkerlerine hár bir imkaniyattı mine usınday tallap, usı jılǵı óndiris baǵdarlamasın 10,5 procentlik ósiwdi támiyinlewge beyimlestirip qayta kórip shıǵıw tapsırıldı.

ÓzA