Prezident Shavkat Mirziyoevtiń basshılıǵında tarmaq hám aymaqlarda joqarı ekonomikalıq ósiw pátlerin támiyinlew boyınsha tiykarǵı wazıypalardı dodalawǵa baǵıshlanǵan májilis baslandı.
Mámleketimiz basshısı hár bir ministr, hákim, tarmaq basshısı tarawı, sisteması, kárxanalarına jańasha basqarıw alıp kirip, bar resurslardan nátiyjeli paydalansa, dástúriy eksport bazarları hám ónimlerine baylanıp qalmastan, jańa baǵdarlar tawıp, isbilermenlerge jol ashıp berse, jasalma intellekt, sanlastırıw boyınsha qánigelerdi jámlep, innovaciyalar islese, potenciallı jaslardı tawıp, “startap klublar” shólkemlestirse, olardıń qollanbaların kárxanalarda qollansa, jáne de joqarı ekonomikalıq ósiwdi támiyinlewge barlıq imkaniyatlar bar ekenligin atap ótti.
Biraq kóp basshılar jan kúydirip, úlken shek alıw ornına hesh qanday ózgeris qılmasa da ózin-ózi támiyinleytuǵın rejeler alǵanı kórsetip ótildi.
Keyingi úsh jılda sanaatta qosımsha qun úlesi 40,7 procentten 43 procentke kóbeydi. Biraq bul kórsetkish avtomobil islep shıǵarıwda tek ǵana 20,7 procent, elektr úskenelerinde 29,3 procent, azıq-awqat sanaatında 30,1 procent, bılǵarı sanaatında 33,4 procent, ximiya sanaatında 40,4 procentti qurap, qosımsha qun tómenliginshe qalmaqta.
2023-2025-jılları mine usı 5 tarmaqqa jámi 12 milliard dollar investiciya kirgizildi, 200 den aslam jańa quwatlıqlar iske qosıldı.
Máselen, agrotexnologiya ózgergeni ushın diyqanlar atızda suyıq tógin qollanıwdı abzal kórmekte. Biraq elege shekem ximiya zavodları buǵan beyimlese alǵan joq. Tek ǵana dástúriy mineral tógin islep shıǵarmaqta.

ÓzA