Milliy gvardiya Qaraqalpaqstan Respublikası boyınsha basqarması xızmetkerleri Nókis qalası “Isbilermenler” mákan puqaralar jıyını aymaǵındaǵı ashıq maydanda nızamsız túrde mıs kabellerin urlap kelip, órtep atırǵan shaxslardı qolǵa aldı.
Reyd waqtında Moynaq rayonında jasawshı 30 jasar N.K. hám 24 jasar M.K. “Moynaq aerodromı”na tiyisli shama menen 600 metr mıs kabeldi qadaǵan etilgen jerden alǵanı málim boldı.
Jaǵday boyınsha olarǵa belgilengen tártipte tiyisli shara kóriw ushın Moynaq rayonı ishki isler bólimine tapsırıldı. Házirgi waqıtta bul jaǵday boyınsha rayonlıq IIB janındaǵı tergew toparı tárepinen tergew háreketleri alıp barılmaqta. Olardıń jetkergen zıyan muǵdarı 108 million sumǵa bahalanbaqta.

Qaraqalpaqstan xabar agentligi