Qaraqalpaqstan Respublikası prokurorı Sh.Aminov tárepinen Ámiwdárya rayonında Ózbekstan Respublikası Prezidentiniń 2026-jıl 5-yanvardaǵı “Respublika máhállelerinde qáwipsiz ortalıqtı jaratıw baǵdarında bir pútin mánzilli jumıs islew sistemasın engiziwge qaratılǵan qosımsha ilajlar haqqında”ǵı 1-sanlı Qararınıń orınlanıwı boyınsha islengen jumıslar úyrenildi.
Atap aytqanda, kriminogen jaǵdayı awır bolǵan “Bay awıl” máhállesinde bolıp, máhálle jetiligi, belsendileriniń qatnasıwında aymaqta júz bergen jınayatlardıń sebep hám faktorların anıqlap saplastırıwǵa qaratılǵan jumıslar, Qarardıń orınlanıwın támiyinlew baǵdarında islep shıǵılǵan “Jol kartası” bántleriniń orınlanıwında jol qoyılǵan qáte-kemshilikler sın kózqarastan kórip shıǵılıp, jınayatlardıń erte aldın alıw, profilaktikalıq ilajlardı nátiyjeli shólkemlestiriw, juwapkerler hám máhálle jetiligi birgeliktegi jumısın durıs jolǵa qoyıw boyınsha tapsırmalar berildi.
Bunnan soń, túngi xızmet aldınan instrukciya ótkerilip, mobilizaciyalanǵan xızmetkerlerge kriminogen jaǵdayı awır máhállelerge kúsh-qurallardı mobilizaciyalaw boyınsha kórsetpeler berildi.

Qaraqalpaqstan xabar agentligi