Germaniyanıń Offenbax qalasında dúnyadaǵı birinshi jalınsız isleytuǵın sanaat vodorod ısıtıw sisteması iske túsirildi.
Qurılma siyrek ushırasatuǵın katalitikalıq processten paydalanadı: vodorod kislorod penen reakciyaǵa kirisip, karbonat angidrid hám basqa da zıyanlı zatlardı ajıratpastan ıssılıq hám suw puwın payda etedi.
Jańa texnologiya vodorodtıń janıw shegarasınan tómen temperaturada islewi sebepli qáwipsizlikti támiyinleydi hám hawanı 300°S qa shekem qızdırıwǵa uqıplı. Quwatlılıǵı 10 kVt bolǵan sistema úlken imaratlardı ısıtıwǵa mólsherlengen hám energiya sistemasındaǵı joqarı júklemelerdi qaplaw ushın ıssılıq nasosları menen birgelikte isletiliwi múmkin.

Qaraqalpaqstan xabar agentligi