Ózbekstan Respublikası Prezidenti Shavkat Mirziyoev Qırǵız Respublikası Prezidenti Sadir Japarov penen telefon arqalı sóylesti.
Ózbekstan menen Qırǵızstan arasındaǵı doslıq, jaqsı qońsıshılıq hám keń kólemli strategiyalıq sheriklik qatnasıqların jáne de bekkemlew máseleleri kórip shıǵıldı.
Tovar almasıwdıń páti turaqlı ekeni qanaatlanıwshılıq penen atap ótildi. Sanaat kooperaciyası joybarları ámelge asırılmaqta, iri infrastrukturalıq joybarlar, sonıń ishinde, “Qıtay – Qırǵızstan – Ózbekstan” temir jolı hám Qambarata gidroelektr stanciyasınıń qurılısı boyınsha birgeliktegi jumıslar dawam ettirilmekte.
Prezidentler regionallıq kún tártibiniń áhmiyetli tárepleri boyınsha da pikir alıstı, bolajaq eki hám kóp tárepleme ilajlar rejesin dodaladı.

ÓzA