Elimizde ullı shayır, ózbek ádebiyatınıń ullı tulǵalarınıń biri Áliysher Nawayı tuwılǵan kúniniń 585 jıllıǵı keńnen belgilenbekte.
Usı múnásibet penen Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da “Ullı shayır miyrasınan sabaq: ruwxıylıq hám qádiriyatlar” atamasında ruwxıy-aǵartıwshılıq ilajı shólkemlestirildi.
Ilajdıń tiykarǵı maqseti – jaslardı Áliysher Nawayı dóretiwshiligi menen jaqınnan tanıstırıw, olardıń ruwxıy-ádep-ikramlılıq kózqarasın bayıtıw hám ruwxıy jetikligin qáliplestiriwden ibarat.
Ilajda filial basshıları, professor-oqıtıwshılar hám student-jaslar qatnastı.
Ilaj dawamında Nawayı dóretiwshiliginiń jaslar tárbiyasındaǵı ornı, olardıń ruwxıy-ádep-ikramlılıq qádiriyatların qáliplestiriwdegi áhmiyeti keńnen kórsetip ótildi.
Ilajdıń miymanı sıpatında Berdaq atındaǵı Qaraqalpaq mámleketlik universiteti Ózbek til bilimi kafedrasınıń docenti, filologiya ilimleri boyınsha filosofiya doktorı (PhD) O.Abdullaev qatnasıp, shayırdıń ómiri, dóretiwshiligi hám milliy mádeniyatımızǵa qosqan úlesi haqqında bayanat jasadı.
Ilajda shayırǵa baǵıshlanǵan qosıqlar oqılıp, sáwbetlesiwler ótkerildi.

Qaraqalpaqstan xabar agentligi