Qıs máwsiminiń eń abıraylı sport ilajlarınan biri Italiyanıń Milan hám Kortina-d‘Ampecco qalalarında ótip atırǵan XXV qısqı Olimpiada oyınları bolıp esaplanadı. Bul jarıstıń búgingi kúnine kelip medal toplaw boyınsha báseki jáne de kúsheydi.
Gáp sonda, Olimpiadanıń 10-fevral kúngi jaǵdayına bola, medal jıynawda Norvegiya delegaciyası ele de 3 altın, 1 gúmis, 2 qola medal menen ulıwma komandalıq esapta jetekshi bolıp turǵan bolsa, Shveycariya komandası 3 altın, 1 gúmis hám qola medalına iye bolıp ekinshi orınǵa kóterildi. Yaponiya bolsa 2 altın hám gúmis jáne 3 qola medalın toplap, úshinshi orında qaldı.
Germaniya sportshıları 2 altın, 1 gúmis hám bronzanı qolǵa kirgizip 4, AQSh bolsa 2 altın menen 5-orındı iyeledi. Avstriya delegaciyası 1 altın hám 3 gúmis penen 6, italiyalı sportshılar 1 altın, 2 gúmis hám 6 qola medalına iye bolıp, 7-orındı iyeledi.
Esabında 1 altın hám gúmisten bolǵan CHexiya, Franciya, Niderlandiya hám Shveciya 8-11-orınlarda kiyatır.
Olimpiada oyınları 22-fevral kúnine shekem dawam etedi.

Javohir Toshxwjaev, ÓzA