Nızamshılıq palatasındaǵı ÓzLiDeP frakciyasınıń májilisinde “Ózbekstan Respublikası Oliy Majlisi Senatınıń Reglamenti haqqında”ǵı Ózbekstan Respublikası Nızamı 21-statyasına qosımsha hám ózgeris kirgiziw haqqında”ǵı nızam joybarı kórip shıǵıldı.
Atap ótilgenindey, sońǵı jılları elimizde sudyalardıń erkinligin támiyinlew, sud sistemasına maman kadrlardı tańlaw, sudyalıq kásibine tayarlaw hám tayınlaw mexanizmlerin jetilistiriwge qaratılǵan keń kólemli reformalar ámelge asırılmaqta. Bul processler xalıqtıń ádil sudlawǵa bolǵan isenimin bekkemlew, sud hákimiyatınıń abırayın arttırıw hám nızam ústinligin támiyinlewge xızmet etpekte.
Sonıń menen birge, ámelde Ózbekstan Respublikası Oliy Majlisi Senatınıń sudyalardı saylaw boyınsha konstituciyalıq wákilligi tiykarınan talabanlardı tastıyıqlaw menen sheklenip qalıp atırǵanı bul processti jáne de ashıq hám mazmunlı etiw zárúrligin kórsetpekte.
Sonnan kelip shıǵıp, “Ózbekstan Respublikası Oliy Majlisi Senatınıń Reglamenti haqqında”ǵı Nızamǵa qosımshalar hám ózgerisler kirgizilmekte. Oǵan muwapıq, sudyalıq lawazımlarına talabanlar aldın Senattıń juwapker komiteti tárepinen kórip shıǵıladı, olardıń jumısı boyınsha juwmaq tayarlanadı hám bunnan keyin Senat dodalawına kirgiziledi.
Bul bolsa sudyalardı saylaw procesinde parlamentlik qadaǵalawdı kúsheytiw, ashıq-aydınlıq hám juwapkershilikti arttırıwǵa xızmet etedi.

M.Komilova, WzA