“Ayvoni Sadr” rezidenciyasında Ózbekstan Respublikası Prezidenti Shavkat Mirziyoevqa “Nishoni Pokiston” ordenin tapsırıw máresimi bolıp ótti.
Prezident Asif Ali Zardoriy Pakistannıń joqarı sıylıǵın mámleketimiz basshısına saltanatlı túrde tapsırdı.
Bul abıraylı sıylıq kóp tárepleme birge islesiwdi keńeytiw baǵdarındaǵı ulıwma háreketlerdiń múnásip tán alınıwı jáne Ózbekstan xalqına doslıq qatnasıq hám tereń húrmet belgisi ekeni atap ótildi.
Ózbekstan – Pakistan strategiyalıq sherikligi mazmun jaǵınan jańa basqıshqa kóterilip baratuǵınına isenim bildirildi.
Bul joqarı sıylıq hár qıylı jıllarda Ullı Britaniya Patshası Elizaveta II, AQSh Prezidenti Richard Nikson, Qubla Afrika Respublikası Prezidenti Nelson Mandela, Tailand Patshası Pxumipon Adulyadet, BAÁ Prezidenti Shayx Zoid bin Sulton Ol Nahayon, Qıtay Xalıq Respublikası Baslıǵı Xu Czintao, Túrkiya Prezidenti Rejep Tayyip Erdoǵan, Saudiya Arabstanı Miyrasxor shaxzadası Muhammad bin Salmon hám basqalarǵa berilgenin atap ótiw kerek.

ÓzA