“Айвони Садр” резиденциясында Өзбекстан Республикасы Президенти Шавкат Мирзиёевқа “Нишони Покистон” орденин тапсырыў мәресими болып өтти.

Президент Асиф Али Зардорий Пакистанның жоқары сыйлығын мәмлекетимиз басшысына салтанатлы түрде тапсырды.

Бул абырайлы сыйлық көп тәреплеме бирге ислесиўди кеңейтиў бағдарындағы улыўма ҳәрекетлердиң мүнәсип тән алыныўы және Өзбекстан халқына дослық қатнасық ҳәм терең ҳүрмет белгиси екени атап өтилди.

Өзбекстан – Пакистан стратегиялық шериклиги мазмун жағынан жаңа басқышқа көтерилип баратуғынына исеним билдирилди.

Бул жоқары сыйлық ҳәр қыйлы жылларда Уллы Британия Патшасы Элизавета II, АҚШ Президенти Ричард Никсон, Қубла Африка Республикасы Президенти Нельсон Мандела, Таиланд Патшасы Пхумипон Адульядет, БАӘ Президенти Шайх Зоид бин Султон Ол Наҳаён, Қытай Халық Республикасы Баслығы Ху Цзиньтао, Түркия Президенти Режеп Таййип Эрдоған, Саудия Арабстаны Мийрасхор шахзадасы Муҳаммад бин Салмон ҳәм басқаларға берилгенин атап өтиў керек.

ӨзА