Saudiya Arabstanında “Six Flags Qiddiya City” ekstremal attrakcionlar parki rásmiy túrde iske tústi, dep xabar bermekte “Logos Press” basılımı.
Bes jáhán rekordın jańalaǵan bul park mámleket paytaxtı Ar-Riyadtan 45 km uzaqlıqta, shóldiń ortasında jaylasqan.
Házirshe parkte jámi 28 attrakcion bar, keyin ala bul jerde kibersport arenası, stadion hám akvapark qurılısı da rejelestirilgen.
Atap ótiliwinshe, jańa park Arqa Amerikadan tısqarıda qurılǵan birinshi “Six Flags” obekti bolıp esaplanadı. Kewil ashar baǵdıń qurılısı 4 jıl dawam etken. Komplekstiń maydanı derlik 32 gektar bolıp, onda restoranlar hám sawda orınları bar. Parkke kiriw ushın bilet bahası shama menen 84,5 dollardan baslanadı.

Qaraqalpaqstan xabar agentligi