Oliy Majlis Nızamshılıq palatasındaǵı “Adolat” SDP frakciyası Ózbekstan puqaralarınıń jeke maǵlıwmatları “Darknet” hám basqa da ashıq internet resurslarına shıǵıp ketken bolıwı múmkinligi haqqındaǵı xabarlar boyınsha juwapker mámleketlik uyımlarǵa deputatlıq soraw jiberdi.
Málim etiliwinshe, partiya deputatı Mahmud Valiev bul jaǵday puqaralardıń huqıqıy hám finanslıq qáwipsizligine qáwip salıp atırǵanın inabatqa alǵan halda Sanlı texnologiyalar ministri, Ishki isler ministri hám Milliy statistika komiteti baslıǵına tiyisli sorawlar jollaǵan.
Deputatlıq sorawlarda jeke maǵlıwmatlardıń qorǵalıw jaǵdayı, itimallı kiberhújim sebepleri, operativ-izlew jumısları, sonday-aq, keleshekte bunday jaǵdaylar qaytalanbawı ushın kórilip atırǵan texnikalıq hám shólkemlestiriwshilik ilajlar boyınsha maǵlıwmat beriw soralǵan.

ÓzA