Nızam menen Hákimshilik juwapkershilik haqqındaǵı kodekske qosımshalar hám ózgerisler kirgizildi. Oǵan bola, arnawlı avtomatlastırılǵan foto hám video jazıw texnika quralları arqalı dizimge alınatuǵın hákimshilik huqıqbuzarlıqlardıń qatań dizimi belgilendi.
Málim etiliwinshe, tómendegiler arnawlı avtomatlastırılǵan foto hám video jazıw texnika quralları arqalı hákimshilik huqıqbuzarlıqlar sıpatında rásmiylestiriledi:
• qáwipsizlik remenin paydalanıw qaǵıydalarına ámel etpew;
• transporttı basqarıw waqtında telefonnan paydalanıw;
• belgilengen háreket tezligin saatına 20 kilometrden kóp bolmaǵan muǵdarda asırıp jiberiw;
• toqtaw yamasa toqtap turıw qaǵıydaların buzıwı hám basqalar.
Sonday-aq, bul huqıqbuzarlıqlar ushın jaza qollanıw múddetleri de anıq belgilengen.
Jol qaǵıydaları buzılǵanlıǵı foto hám video jazıw texnika quralları arqalı belgilengen jaǵdayda hákimshilik jaza huqıqbuzarlıq islengen kúnnen baslap 1 aydan keshiktirmey qollanıladı.
Hákimshilik juwapkershilikke tartıw haqqındaǵı qarar ústinen shaǵım etilgende bolsa huqıqbuzarlıq islengen kúnnen baslap 1 jıldan keshiktirmey qollanılıwı múmkin boladı.

Qaraqalpaqstan xabar agentligi