Oliy Majlis Nızamshılıq palatasınıń Agrar hám suw xojalıǵı máseleleri jáne Ekologiya hám qorshaǵan ortalıqtı qorǵaw máseleleri komitetleriniń keńeytilgen májilisinde Awıl xojalıǵı hám Suw xojalıǵı ministrlikleriniń “Byudjet qarjılarınan nátiyjeli paydalanıw, sonday-aq, maqsetli indikatorlardıń orınlanıwı haqqında”ǵı málimlemeleri tıńlandı.

Awıl xojalıǵı ministrliginiń málimlemesine bola, 2025-jılı respublika byudjetinen 1 798,9 mlrd. sum qarjı ajıratılǵan bolıp, bul qarjılar ministrlik sistemasındaǵı 118 mákemeni qarjılandırıw, ministrliktiń oraylıq apparatı hám onıń sistemasındaǵı shólkemlerdi saqlawǵa baylanıslı qárejetler, rawajlandırıw baǵdarlamaları ushın qárejetler jáne Agrosanaattı rawajlandırıw hám qollap-quwatlaw mámleketlik maqsetli qorına qaratılǵan.
Awıl xojalıǵı ónimleriniń kólemi 2025-jılı 307,3 mıń tonna prognoz etilgen bolsa da, ámelde ulıwma orınlanbaǵan. Respublika kóleminde awıl xojalıǵı eginlerinde biologiyalıq qorǵaw usılı qollanılǵan maydanlar 25,6 mıń gektar prognoz etilgen, biraq ámelde orınlanbaǵan. Bular deputatlar tárepinen sınǵa alındı.
Suw xojalıǵı ministrliginiń málimlemesinde keltirilgenindey, ministrlikke rawajlandırıw baǵdarlaması hám maqsetli indikatorlar ushın suw xojalıǵı tarawında byudjet qarjılarınan nátiyjeli paydalanıw, azıq-awqat qáwipsizligin támiyinlew, xalıqtıń turmıs abadanlıǵın bunnan bılay da arttırıw maqsetinde zárúr qarjı ajıratılǵan.
Deputatlar tárepinen mámleketlik qarjılardan nátiyjeli paydalanıw, onda maqsetli indikatorlardıń orınlanıwına qaratılǵan anıq ilajlardı belgilep alıw hám onı turaqlı ámelge asırıw boyınsha zárúr usınıslar berildi.

M.Komilova, ÓzA