Sociallıq tarmaqlarda mekteplerde dástúriy (qaǵaz) kúndelikler, klass jurnalları engizilip atırǵanı haqqında tarqalıp atırǵan xabarlarǵa múnásibet bildirildi.
Mektepke shekemgi hám mektep bilimlendiriwi ministrligi baspasóz xızmetiniń málim etiwinshe, házirgi waqıtta mámleketimizdegi barlıq ulıwma bilim beriw mektepleri oqıwshılarınıń qatnasıwı hám pánlerdi ózlestiriw bahaları “e-maktab.uz” elektron jurnal sisteması arqalı ámelge asırılıp kelinbekte. Bunnan gózlengen maqset, oqıtıwshılardıń jumıs júklemesin azaytıw, oqıw procesin shólkemlestiriwde zamanagóy málimleme-kommunikaciya texnologiyaların engiziwden ibarat. Bul process xalıqaralıq tájiriybede de ózin aqlaǵan.
Ata-analar ushın “e-maktab.uz” platformasınıń bir kalendar jıllıq jazılıw bahası 5000 sumdı quraydı jáne bul muǵdar jıldan jılǵa azayıp barmaqta (2020-jılı 9200 sum bolǵan).
Bul sistemanıń engiziliwi nátiyjesinde ata-analardıń óz perzentleriniń sabaqlardı ózlestiriw dárejesin aralıqtan baqlaw imkaniyatı jaratılıp, oqıwshılardı bahalawda ashıq-aydınlıq támiyinlenip kelinbekte. Sonday-aq, pedagoglardıń jumısına baylanıslı hár qıylı qaǵazpazlıqlardıń azayıwına erisildi.
Atap ótiliwinshe, mekteplerge dástúriy kúndelik hám klass jurnallarına qaytıw boyınsha kórsetpe berilmegen, elimizde ámelge asırılıp atırǵan sanlastırıw processleri artqa qaytpaytuǵın tús alǵan.

Muhayyo Toshqoraeva, ÓzA