Házirgi kúnleri Birlesken Arab Ámirlikleri mámleketi Fujayra qalasında sporttıń taekvando túrinen “Fujayra Open – 2026” G-2 xalıqaralıq turniri bolıp ótti.
Bul xalıqaralıq turnirde Ózbekstan saylandı komandası quramında qatnasqan respublikamızdıń sportshıları jaqsı nátiyjelerge erisiwge miyasar boldı.
Atap aytqanda, Nókis olimpiya hám paralimpiya sport túrlerine tayarlaw orayı tárbiyalanıwshıları Feruza Ernazarova ekinshi, Rabboniya Ruslanova úshinshi orınlardı iyelegen bolsa, Taqıyatas rayonı sport mektebi tárbiyalanıwshısı Nilufar Sapaeva hám Nókis qalasındaǵı 1-sanlı sport mektebi tárbiyalanıwshısı Farangiz Mirmanovalar qola medalları menen sıylıqlandı.
Jas sportshılardı jarısqa trenerlerden Nizamatdin Dalibaev, Pamir Sultanov, Babur Atamuratov, Daniyar Bekbergenov hám Jalǵasbay Erjanovlar tayarladı.
Jarıs 5-fevral kúni juwmaqlanadı.

Adilbay Orazov,
Qaraqalpaqstan xabar agentligi sholıwshısı