Qanlıkól rayonındaǵı Arzımbetqum awıl puqaralar jıyını aymaǵındaǵı bir qatar ishki kóshelerde jol infrastrukturasın jaqsılaw jumısları tabıslı juwmaqlandı.
Sonıń ishinde, «Oqıwshılar» kóshesiniń 541 metrlik, «Ilimpazlar» kóshesiniń 500 metrlik hám «Nurlı» kóshesiniń 751 metrlik bólegine qara qaplamalı asfalt tóseldi. Ulıwma esapta 1 kilometr 792 metrlik jol jańadan ońlandı.
Bul qurılıs jumısları Qanlıkól rayonındaǵı Jollardan paydalanıw mámleketlik mákemesi tárepinen ámelge asırılıp, bul jumıslarǵa 5 arnawlı texnika hám 12 jumısshı tartıldı.
Bul joybar “Baslamalı byudjet” baǵdarlamasınıń 2025-jıl 2-máwsiminde jeńimpaz dep tabılǵan. Búgingi kúnde belgilengen jumıslar tolıq juwmaǵına jetkerildi.

Qaraqalpaqstan xabar agentligi