2026-jıl 1-marttan baslap xalıq ushın dári-dármaqlardıń bahaları 40-60 procentke shekem tómenletiledi. Bul haqqında Farmacevtika tarmaǵın rawajlandırıw agentliginiń rásmiy wákili málim etti.
Atap ótiliwinshe, bul kórsetkishke 2 mıń atamadaǵı import dári-dármaqlarına referent bahalar belgileniwi, distribyutorlardıń ústemelerin qısqartıw hám tarawǵa 392 million dollar muǵdarındaǵı (2,3 esege kóp) investiciyalardıń tartılıwı arqalı erisilgen.
Sonday-aq, jıldıń aqırına shekem jáne 4 mıń atamadaǵı dári-dármaqlardıń bahasın túsiriw hám jergilikli kárxanalarda texnologiyalar transferi tiykarında importtıń ornın basatuǵın ónimler islep shıǵarıwdı keńeytiw rejelestirilgen.

Qaraqalpaqstan xabar agentligi