Gruziyanıń Tbilisi qalasında ótkerilgen qılıshlasıw sportınıń sablya túri boyınsha jáhán kubogı bellesiwlerinde Ózbekstan saylandı komandasınıń qızları joqarı nátiyje kórsetip, gúmis medaldı qolǵa kirgizdi.
Finalǵa shekem bolǵan bellesiwlerde saylandı komandamız Belarustı 45:22, Polshanı 45:36, yarım finalda maydan iyeleri esaplanǵan Gruziyanı 45:41 esabında jeńip shıǵıwǵa eristi.
Al, final bellesiwinde bolsa, Rossiya saylandı komandasına jeńilip, gúmis medal iyesine aylandı.
Saylandı komandamızdıń bul jeńisine Fernanda Errera, Nargiza Utebaeva, Ayakóz Jumamuratova hám Nargiza Jaqsıbaevalar ózleriniń salmaqlı úlesin qostı.

Qaraqalpaqstan xabar agentligi