Mádeniyattanıw hám materiallıq emes mádeniy miyras ilimiy-izertlew institutında materiallıq emes mádeniy miyras úlgilerin ilimiy-ámeliy tiykarda kompleksli rawajlandırıw, olardı xalıqaralıq kólemde tán alıw hám qorǵaw máselelerine baylanıslı seminar bolıp ótti.
Tiyisli shólkemler hám ilimiy mákemeler, taraw qánigeleri hám ámeliyat wákilleri qatnasqan bul seminar Ózbekstan Respublikası Prezidentiniń tiyisli qararı hám oǵan qosımsha etilgen rejelerde belgilengen wazıypalardıń orınlanıwın támiyinlew, sonday-aq, materiallıq emes mádeniy miyras úlgilerin YuNESKO xalıqaralıq dizimlerine usınıw procesin muwapıqlastırıwǵa qaratıldı.
Seminarda burın usınıs etilgen “Kesteshilik kórkem óneri,” “Dástúriy kiyiz tayarlaw,” “Alpamıs” dástanı, “Gúres,” “Buxara ayaq oyınları” boyınsha itimallı qosımsha talaplar, usı jıldıń mart ayında usınılıwı rejelestirilgen “Taqıya tigiwshilik dástúrleri hám taqıya kiyiw mádeniyatı,” “Qarabayır atların kútiwge baylanıslı dástúrler,” “Er-turman soǵıwǵa baylanıslı dástúrler” kandidaturaların tayarlaw procesindegi ilimiy, hújjetli hám shólkemlestiriw máseleleri hár tárepleme dodalandı.
Ushırasıwdan maqset materiallıq emes mádeniy miyrastı tek ǵana dizimlerge kirgiziw menen sheklenip qalmastan, al onı zamanagóy sharayatta jasaytuǵın etiw, ilimiy jaqtan puqta tiykarlaw, jergilikli jámiyetshilikler menen tıǵız baylanıslı halda rawajlandırıw, jas áwladqa izbe-iz jetkeriw boyınsha óz-ara birge islesiwdi jańa basqıshqa alıp shıǵıw boldı.
Seminar juwmaǵında qatnasıwshılardıń pikir-usınısları talabanlardı jáne de jetilistiriw, belgilengen múddetlerde xalıqaralıq kólemde múnásip usınıw jolında áhmiyetli ámeliy tiykar bolıp xızmet etetuǵını atap ótildi.

N.Usmonova, ÓzA