Energiya nátiyjeliligi hám turaqlı rawajlanıw máseleleri elimiz mámleketlik siyasatında tiykarǵı baǵdarlardan birine aylanǵan. Usı múnásibet penen Energetika ministrliginde 2026-jılı energiya resursların únemlew, qayta tikleniwshi energiya dereklerin keńnen engiziw hám energiya únemlewshi qurılmalardı ornatıw boyınsha qarar joybarı dodalandı.
Májiliste Energetika ministrligi, Ózbekstan Respublikası Prezidenti Administraciyasınıń juwapker xızmetkeri, Bas prokuratura, “Ózenergoinspekciya” hám “Óztransgaz” AJ basshıları qatnastı. Onda energiya nátiyjeliligin arttırıw, turaqlı dereklerdi engiziw hám ekonomikalıq nátiyjelilikti támiyinlew boyınsha ámeliy ilajlar dodalandı.
Atap ótilgenindey, elektr energiyası, tábiyǵıy gaz hám suyıltılǵan uglevodorod gazinen nátiyjeli paydalanıw, turaq jay hám sanaat obektlerinde energiya únemlewshi qurılmalardı keńnen engiziw jáne qayta tikleniwshi energiya dereklerin rawajlandırıw áhmiyetli máseleler bolıp tabıladı. Sonıń menen birge, mámleket ekonomikasında energiya nátiyjeliligin arttırıw sebepli qárejetlerdi qısqartıw hám ekologiyalıq turaqlılıqqa erisiw imkaniyatları kórip shıǵılmaqta. Ilajda áne usı wazıypalar tallandı.
Májilis juwmaǵında energiya resursların únemlew, qayta tikleniwshi energiya dereklerin rawajlandırıw hám únemli qurılmalardı ornatıw tarawında bar imkaniyatlardı anıqlaw hám nátiyjeli paydalanıw maqsetinde arnawlı jumısshı topar dúzildi. Bul topar tárepinen anıq wazıypalar belgilenip, olardı basqıshpa-basqısh ámelge asırıw rejelestirilgen.

N.Ziyodullaeva, ÓzA