Kembridjdegi “Pegasus Elliot Mackenzie” baspası Ózbekstan Jazıwshılar awqamınıń aǵzası, jazıwshı hám shayır Shahodat Isaxonovanıń Bibixanım haqqındaǵı “Turan malikası” (“Queen of Turan”) shıǵarmasın dúnya júzi boylap qabıl etilgen júzlegen shıǵarmalar arasınan tańlap alıp, basıp shıǵardı.
Jaqında kitap baspa veb-saytında payda boldı, sociallıq tarmaqlarda da járiyalandı. Jazıwshı menen dúzilgen rásmiy shártnamada avtor intervyuları, kitapqa qol qoyıw máresimleri hám xalıqaralıq ádebiy tańlawlarǵa usınıslar da bar. Awdarmashı – Asrar Allayarov.
Aytıp ótiw kerek, ustaz jazıwshı Shahodat Isaxanovanıń dóretiwshiliginde tariyxıy temalarǵa múrájat etiw ústin orın iyeleydi.
Dóretiwshi “Ájayıp zıyapat,” “Turan malikası,” “Qırq órimli kelinshek,” “Sultan Jalaliddin yamasa Shıńǵısxan duzaǵına túsken málika,” “Bibixanım,” “Zavetnoe jelanie,” “Láylekler,” “Nodirai dáwran” sıyaqlı kóplegen roman, povest hám gúrrińlerdiń avtorı bolıp esaplanadı.
Shahodat Isaxanova qálemine tiyisli “Ólen,” “Sultan Jaloliddin Manguberdi,” “Bibixanım,” “Tanawar” sıyaqlı bir qansha dramalar elimiz teatrları tárepinen saxnalastırılǵan.
Ustaz jazıwshınıń shıǵarmaları ádebiyat ıqlasbentleri tárepinen úlken itibar hám qızıǵıwshılıq penen oqıladı.

N.Usmonova, ÓzA