YouTube jasalma intellekt járdeminde jaratılǵan tómen sapalı kontentti óshiriwdi basladı. Platformadaǵı eki iri kanal áne usı sebep penen joǵalǵan, dep xabar berdi The Verge.
Videolardı montajlaw xızmeti – Kapwing esabatına bola, YouTube 5,9 million auditoriyaǵa iye CuentosFacianantes kanalın óshirip jibergen. Bul kanaldaǵı videolardıń ulıwma kóriwler sanı 1,2 milliardqa jetken edi. Sonday-aq, 5,8 millionnan aslam auditoriyaǵa iye Imperio de Jesus kanalı da endi platformada joq.
Kanallardı tazalaw procesi YouTube bas direktorı Nil Mohan sapasız JI-kontent kóbeyip ketkeninen qáweterlengeninen soń jedellesti. Ol paydalanıwshılarǵa jollaǵan múrájatında videoxosting JI-slop (jasalma intellektte tayarlanǵan sapasız hám mazmunsız sanlı kontent) tarqalıwın azaytıw jáne spam hám klikbeytke qarsı gúresiw sistemaların jetilistiriwge wáde bergen.

Qaraqalpaqstan xabar agentligi