Házirgi waqıtta Túrkiyada bolıp turǵan Ózbekstan delegaciyasınıń wákilleri túrli ministrlikler, uyımlarda ushırasıwlar hám sóylesiwler ótkermekte. Atap aytqanda, Ministrler Kabineti janındaǵı Migraciya agentliginiń basshısı Behzod Musaev Túrkiya Respublikası Miynet hám sociallıq támiynat ministri Vedat Ishikxan menen ushırastı.
Sóylesiw dawamında házirgi birge islesiw kólemin jáne de keńeytiw, nızamlı hám qorǵalǵan miynet migraciyasın jańa basqıshqa alıp shıǵıwǵa qaratılǵan áhmiyetli máseleler kórip shıǵıldı. Tárepler bir neshe áhmiyetli kelisimge eristi. Máselen, bul tuwısqan elde nızamsız statusta júrgen watanlaslarımızdı deportaciyasız legallastırıw ámeliyatın dawam ettiriw, úzliksiz 3 jıl jasap kelgenlerge 1-marttan baslap, birinshi márte jumıs islew huqıqın beretuǵın ruxsatnama beriw, Miynet ministrligi janındaǵı “İSKUR” shólkemi tárepinen talap joqarı bolǵan kásiplerdi oraylastırıp, Migraciya agentligine talapnama jiberiw sıyaqlı máseleler boyınsha Kelisimge qol qoyıwǵa kelisip alındı.

G.Sattorova, ÓzA