Donor qanı hám onıń quramlıq bóleklerin zárúr bolǵanda, donordıń ózine paydalanıwın gózlep tapsırıw (autodonorlıq) tártibi haqqındaǵı reje mámleketlik dizimnen ótkerildi (registraciya nomeri: 3763, 28.01.2026 j.).
Rejege bola, autodonorlıq donorǵa allogen qan (bóten qan) quyıwdıń imkaniyatı bolmasa, donordıń qan toparı az ushırasa, donor yamasa onıń nızamlı wákili allogen qan (bóten qan) quyıwdı biykarlasa ámelge asırıladı.
Autodonorlıq donordıń xirurgiyalıq ámeliyatı ótkeriliwi rejelestirilip atırǵan medicinalıq mákemelerde donor yamasa onıń nızamlı wákiliniń jazba razılıǵı tiykarında biypul ámelge asırıladı.
Autodonordan aldın donordıń qanı laboratoriya tekseriwlerinen ótkeriledi.
Autodonorlıq xirurgiyalıq operaciyadan aldın (kóbi menen 30 kún aldın), xirurgiyalıq operaciyaǵa tayarlıq procesinde (1-2 saat aldın), xirurgiyalıq operaciya dawamında (donor yamasa onıń nızamlı wákiliniń jazba razılıǵı aldın ala alınǵanda) ámelge asırıladı.
Donorda AIV (AIJS) infekciyası, B yamasa S virus markerleri, sifilis keselligi jáne gematokrit kórsetkishi 25 procentten az ekenligi anıqlansa, autodonorlıqqa jol qoyılmaydı.

M.Qosimova,
ÓzA