2026-jıl 29-yanvar kúni “Ózbekstan – Pakistan: ózgerip atırǵan dúnyada strategiyalıq sheriklik, óz-ara baylanıslılıq hám turaqlı rawajlanıw” temasında onlayn konferenciya bolıp ótedi.
Bul konferenciya Ózbekstan Respublikası Prezidenti Shavkat Mirziyoevtiń Pakistan Islam Respublikasına bolajaq saparına baǵıshlanǵan.
Ilaj Ózbekstan Respublikası Prezidenti janındaǵı Strategiyalıq hám regionlararalıq izertlewler institutı hám Islamabad regionallıq izertlewler institutı tárepinen shólkemlestiriledi. Ánjumanda eki mámlekettiń mámleketlik uyımları, jetekshi tallaw orayları, ilimiy-izertlew hám bilimlendiriw mákemeleriniń wákilleri qatnasadı.
Qatnasıwshılar Ózbekstan-Pakistan birge islesiwiniń perspektivaların dodalaydı. Ilaj dawamında siyasiy sóylesiwdi bekkemlew, ekonomikalıq baylanıslar hám sanaat birge islesiwin keńeytiw, transport hám logistika infrastrukturasın rawajlandırıw, sonday-aq, insan kapitalın qáliplestiriw tarawındaǵı baslamalarǵa ayrıqsha itibar qaratıladı.
Eki tárepleme sheriklikke jańa pát baǵıshlaytuǵın hám mámleketlerimizdiń birgeliktegi rawajlanıw potencialın júzege shıǵaratuǵın ámeliy usınıslardı islep shıǵıwǵa tiykarǵı áhmiyet qaratıladı. Usınıslar bolajaq joqarı dárejedegi sóylesiwlerge tayarlıq kóriw hám olardıń mazmunına salmaqlı úles qosıwı kútilmekte.

ÓzA