Nókis qalasında baqlanıp atırǵan qar jawıwı sebepli qala kóshelerinde jol-transport háreketi qáwipsizligin támiyinlew boyınsha operativ ilajlar kórilmekte. Qaraqalpaqstan Respublikası Avtomobil jolları Bas basqarması sistemasındaǵı shólkemler tárepinen arnawlı texnika hám brigadalar tartılǵan.
Jollarda muzlaw hám sırǵanaq jaǵdaylardıń aldın alıw maqsetinde avtomobil jollardıń qatnaw bólimlerine qum-duz aralaspası sebilmekte, sonday-aq, qar tazalaw jumısları úzliksiz dawam ettirilmekte. Bul jumıslar qala kóshelerinde puqaralardıń qáwipsiz hám erkin háreketleniwin támiyinlewge qaratılǵan.

Qaraqalpaqstan xabar agentligi