Ótken jılı paytaxtta 1,5 mıńnan aslam náshebentler rásmiy dizimge alınǵan. Eń ashınarlısı, “sayada” bolǵan náshebentlerdiń sanı bunnan da kóp. Olardıń kópshiligi jaslar.
Olar narkotik ushın ayına ortasha 20-25 million sum jumsamaqta. Náshebent pul tabıw maqsetinde jınayatqa qol urıwı tábiyǵıy. Ótken jılı respublika boyınsha 64 shaxs náshebentlik tásirinde jınayat islegen, olardıń úshten birewi Tashkent qalasına tuwra keledi.
Usı jıldan baslap narko ekspress-testlerden ǵalabalıq paydalanıwǵa ótiw belgilendi.
Náshebentlikke tózimsizlik ortalıǵın qáliplestiriw maqsetinde Jaslar isleri agentligi, Mektepke shekemgi hám mektep bilimlendiriwi, Joqarı bilimlendiriw, ilim hám innovaciyalar ministrliklerinde basshınıń ayrıqsha orınbasarı boladı.
Hákim, joqarı oqıw ornınıń rektorı, texnikum hám mektep direktorınıń orınbasarlarınan biri bul baǵdarǵa juwapker etip belgilenedi.
Náshebentlerdi emlewge keminde tórt ay waqıt talap etiledi. Juwapkerlerge jeke menshik sheriklik tiykarında xalıqqa narkologiyalıq xızmet kórsetiw boyınsha qarar joybarın kirgiziw tapsırıldı.

ÓzA