Prezidentimiz jańa sistemanı CHilanzar rayonı mısalında túsindirip berdi.
Ótken jılı rayonda aldın alıw múmkin bolǵan 1 mıń 407 jınayat júz bergen. Olardıń 40 procenti máhálle aymaǵında bolǵan. Yamasa urlıq, tonawshılıq, dene jaraqatı, biyzarılıq sıyaqlı jınayatlar tiykarınan túnde islenbekte.
Sol sebepli, jámiyetlik qáwipsizlik kúsh-quralların basqarıw jańasha shólkemlestiriledi.
Patrul-post, jol-patrul, qorǵaw hám profilaktika xızmetleri kúni-túni úsh smenali xızmet rejimine ótedi hám 70 procenti saat 17 den túngi 3 ke shekem patrullik qıladı. Patrul toparları huqıqbuzarlıq haqqında xabar kelgende, waqıya ornına 5 minut ishinde jetip keletuǵın sistema boladı.
Rayondaǵı 5 ishki isler bólimi baslıǵınıń orınbasarları túngi xızmetti tikkeley máhállelerde shólkemlestiredi. Olar túnde óz basshılarına berilgen barlıq wákillikke iye boladı, erkin qarar qabıl etedi hám juwapkershilikti de tolıq óz moynına aladı.
Bunnan bılay rayonlıq ishki isler jámiyetlik tártipti saqlaw boyınsha orınbasarı hám 5 ishki isler bólimi baslıǵınıń orınbasarları basqa jumıslarǵa ulıwma tartılmaydı. Olardıń jumısı tek ǵana ministrdiń buyrıǵı menen tártipke salınadı.

ÓzA