Tashkent qalası mısalında aytılǵan barlıq máseleler pútkil respublika huqıq qorǵaw uyımlarına birdey tiyisli ekeni atap ótildi.
Juwapker uyımlar shólkemlesken jınayatshılıq, narkojınayatshılıq, kiberjınayatshılıq hám jasırın ekonomika boyınsha tártipke salıwdı qolǵa alıp, xızmetkerleriniń kózqarasın ózgertse, olardı jańasha islewge úyretse, sonda nátiyje bolatuǵını kórsetip ótildi.
Sonıń ushın bul 4 baǵdar boyınsha pútkilley jańa sistema jaratılıp, birinshi gezekte Tashkent qalasında baslanadı.
Tashkent qalasında qáwipsiz ortalıqtı jaratıw boyınsha “paytaxt úlgisi” engiziledi. Hár bir ministr bir rayonǵa biriktiriledi. Máseleniń áhmiyetliligin esapqa alıp, Prezident Administraciyasınıń wákili de bir rayonǵa biriktiriledi.
Huqıq-qorǵaw joqarı oqıw orınları tómendegi mashqalalardı ilim menen sheshedi hám metodikalıq usınısın rayonda engizedi. Joqarı oqıw ornı kafedraları altı ay dawamında máhállege túsip, “máhálle jetiligi” hám huqıq qorǵaw xızmetkerlerin birden-bir baǵdarlama boyınsha oqıtadı.
Huqıq-qorǵaw joqarı oqıw orınlarınıń 3-4-kurs studentleri de dual bilimlendiriw tiykarında profilaktika hám jámiyetlik tártipti saqlaw xızmetlerinde ámeliyat óteydi.
Jańa sistema tiykarında qáwipsiz ortalıq paytaxtqa tutas bolǵan hám kriminogen jaǵdayǵa tásir kórsetetuǵın Zangiata, Qibray hám Tashkent rayonlarında da jaratıladı.
Prezident Shavkat Mirziyoevtiń basshılıǵında videoselektor májilisi dawam etpekte.

ÓzA