Prezident Shavkat Mirziyoevtiń basshılıǵında videoselektor májilisi dawam etpekte.
– Bilip qoyıńlar, mámlekettiń hár bir sumı boyınsha tásirsheń qadaǵalaw ornatıladı. Juwapkershilik sózsiz, jaza qattı boladı, – dedi Prezidentimiz.
Sonlıqtan, jaqında Administraciya hám mámleketlik uyımlarda komplaens hám korrupciyaǵa qarsı ishki qadaǵalaw sisteması jolǵa qoyıldı.
Qısqa múddette byudjetke túsim, talan-tarajlıq, finanslıq kemshilikler boyınsha 53 trillion sum hám sırtqı sawda operaciyasında 8 milliard dollardan aslam qarızdarlıqtıń anıqlanǵanı oǵada ayanıshlı jaǵday ekeni atap ótildi.
Korrupciyalıq sxemalar boyınsha 4,2 trillion sum zıyan anıqlanıp, 1,3 trillion sum óndirildi, 55 shaxs qamaqqa alındı.
Mısalı, Ishki isler ministrligi sistemasında mámleketlik satıp alıwlarda 186 milliard sum byudjet qarjısı ózlestirilgeni anıqlanıp, ministrdiń orınbasarı B.Abdullaevqa hám departament baslıǵı R.Tursunovqa jınayat isi qozǵatıldı.
Ulıwma, mámleketlik uyımlar hám kárxanalarda qáwipsizlik ushın juwapkerlerdiń jumısın da sın kózqarastan qayta kórip shıǵıw waqtı kelgeni atap ótildi.
– Bizge joqarı kásiplik kompetenciyalarǵa iye, talapshań jas basshılar korpusı kerek,-dedi Prezidentimiz.
Huqıq qorǵaw sistemasında xızmet ótew shegarası polkovnikler ushın 55 jas, generallar ushın 60 jas bolsa da, házir bul jastan asqan 300 den aslam xızmetker basshılıq lawazımında islep atırǵanı kórsetip ótildi. Ayrıqsha jaǵdaylar ministrligi sistemasında basshı kadrlardıń barlıǵınıń jası 50 jastan kishi.
Basshılıqqa jas kadrlardı qoyıw, pensiya jasındaǵılardıń tájiriybesinen ustaz hám muǵallim sıpatında paydalanıw yamasa máhállede jaslarǵa ustazlıq etetuǵın sistema jaratıw áhmiyetli ekenligi atap ótildi.

ÓzA