Mámleketimiz basshısı házirgi waqıtta “Ózbekneftgaz” AJ hám Mámleketlik aktivlerdi basqarıw agentliginde úlken tekseriw bolıp atırǵanı, milliard-milliard sumlıq talan-tarajlıqlar anıqlanǵanın málim etti.
Mısal ushın, Mámleketlik aktivlerdi basqarıw agentliginiń lawazımlı shaxsları bazar bahası keminde 250 milliard sumlıq jer uchastkasın jabıq aukcionǵa shıǵarıp, 120 milliard sumǵa satıp jibergen.
Sol sebepli, keshe agentlik direktorı A.Ortiqov jumıstan bosatıldı.
– Haqılı soraw tuwıladı. Bul uyımlarda jıllar dawamında korrupciya háwij alǵan bolsa, qáwipsizlik máseleleri ushın juwapkerler qayda qaraǵan, – dedi Prezidentimiz.
MQX baslıǵına “Ózbekneftgaz” AJ hám Mámleketlik aktivlerdi basqarıw agentligi ushın juwapker xızmetkerlerdiń juwapkershiligin kórip shıǵıw tapsırıldı.
Komplaens xızmeti, Mámleketlik qáwipsizlik xızmetine Mámleketlik aktivler agentliginiń lawazımlı shaxslarına qozǵatılǵan jınayat isi tergew toparına Qáwipsizlik xızmetiniń ekonomikalıq máselelerge juwapker strukturalarınan da qánigelerdi tartıw tapsırıldı.
– Satılǵan mámleketlik múlkler boyınsha hár bir jaǵdaydı puqta tekserip, barlıq korrupciyalıq sxemalardı áshkaralasın hám jazanıń sózsiz ekenligin támiyinlesin,-dedi mámleketimiz basshısı.

ÓzA