Prezident Shavkat Mirziyoevtiń basshılıǵında videoselektor májilisi dawam etpekte.
Shayxontohur rayonı salıq inspekciyasınıń baslıǵı X.Mullajonov hám Tashkent qalalıq salıq basqarmasınıń baslıǵı Y.Nasimdjanovtı jumıstan bosatıw, jumısın úyrenip, nızam ústinligin támiyinlew tapsırıldı.
Salıq komitetiniń baslıǵına Tashkent qalasındaǵı barlıq rayonlıq salıq inspekciyalarınıń baslıqların jumıstan alıp, wazıypasın atqarıwshı etip qoyıw tapsırıldı.
Komitet baslıǵı F.Pwlatov hám komitetke tayınlanǵan komplaens boyınsha jańa orınbasar A.Solievqa korrupciyaǵa mawasasız ortalıqtı jaratıw, Tashkent qalası salıq basshılarınıń lawazımǵa ılayıqlıǵın kórip shıǵıp, olardıń ornın watansúygish, jańalıqqa umtılıp isleytuǵın kúsh-ǵayratlı jaslar menen tolıqtırıw wazıypası qoyıldı.
Bas prokuratura janındaǵı Departamenttiń qalalıq basqarması baslıǵınıń orınbasarı A.Ǵaniev “isbilermen”lerge salıqtan qashıwda jol kórsetip júrgeni ushın onı búgin-aq jumıstan bosatıw tapsırıldı.
A.Soliev hám Tashkent qalası hákiminiń komplaens boyınsha orınbasarı etip tayınlanǵan M.Mirhamidov paytaxtta jasırın ekonomikaǵa qarsı mawasasız ortalıq jaratıwǵa juwapker bolatuǵını belgilendi.

ÓzA