Mámleketimiz basshısı temanı dawam ettirip, Shayxantahur rayonı salıq inspekciyası tárepinen “CHorsu” bazarında tólem tártibiniń ornına qoyılmaǵanı, “Malika” sawda kompleksinde bolsa jaǵday bunnan da ayanıshlı ekenin kórsetip ótti.
Komplekste 1,5 mıńǵa shamalas isbilermen jumıs alıp barsa da, olardıń tek tórtten biri dizimnen ótken, 25 procenti ayına 1 million sum da salıq tólemey atır. Sonday-aq, dekabr ayında plastik kartalar arqalı sheship alınǵan 600 milliard sumlıq sawda túsimleri jasırılǵan.
Tashkent qalalıq salıq basqarması byudjet rejesin jaqsı islep atırǵan isbilermenlerge artıqsha tólem endiriw esabınan orınlamaqta. Sonıń ishinde, 46,4 mıń kárxanadan 876 milliard sum artıqsha tólem óndirilgen.
Salıq komitetinde qosımsha qun salıǵınan jasalma artıqsha tólem payda etiw arqalı onı byudjetten nızamsız qaplaw jaǵdayları kóbeygen. Ótken jılı bul salıqtı nızamsız qaytarıw boyınsha 20 salıq xızmetkerine jınayat isi qozǵatılǵan.
Bul baǵdarǵa juwapker bolǵan, jeti jıldan berli islep kiyatırǵan komitet baslıǵınıń birinshi orınbasarı Mubin Mirzaevtıń biypárwalıǵı hám juwapkershiliksizligi kórsetip ótildi.

Májiliste M.Mirzaev jumıstan alındı.

ÓzA