Tek ǵana akciz salıǵın tólewshiler óndiris hám realizaciyalaw kólemin jasırǵanı aqıbetinde 66 milliard sum salıqtan qashqan.
Jasırın ekonomikaǵa qarsı gúresiw hám salıq hákimshiligi boyınsha paytaxt salıq uyımlarınıń jumısı ulıwma qanaatlandırarsız ekeni atap ótildi.
Máselen, qosımsha qun salıǵın tólewshilerdiń derlik 30 mıńı QQStıń bir sumın da tólemegen. Yamasa sawda, servis hám ulıwma awqatlanıwdaǵı kassa apparatınıń tórtten bir bólegi paydalanılmay atır.
Ayırım salıq basshıları túsimdi kóbeytiw ornına tırnaqsha ishindegi “isbilermen”lerge “qáwenderlik” etiw menen bánt ekeni kórsetip ótildi. Máselen, qalada ótkerilgen tekseriwlerde 70 milliard sum salıq esaplanbay qalǵanı anıqlanǵan. Keyingi eki jılda qalalıq salıq uyımlarınıń 19 xızmetkeri korrupciya boyınsha jınayıy juwapkershilikke tartılǵan, byudjetke 27 milliard sum zıyan jetkerilgen.
Ótken háptede Mırza Uluǵbek rayonı salıq inspekciyasınıń baslıǵı D.Usmanov jumıstan alınıp, jınayat isi qozǵatıldı. Ol inspekciya imaratınıń bir bólegin jeke maqsette ijaraǵa berip, 315 million sumdı ózlestirgen, jumısında toparlarǵa bóliniw hám shaǵalmáslikke berilgen.
Prezident Shavkat Mirziyoevtiń basshılıǵında videoselektor májilisi dawam etpekte.

ÓzA