Prezident Shavkat Mirziyoevtiń basshılıǵında videoselektor májilisi dawam etpekte.
Sırt elge barıp alıp, shólkemlesken jınayıy toparlar shólkemlestirgen, ol jerde óz puqaralarımızdı da tonap atırǵan shaxslardıń jumısına shek qoyıwdaǵı nemquraydılıqlar sınǵa alındı.
Bunnan tısqarı, burın tek ǵana “kóshe” dep kórilgen shólkemlesken jınayatshılıq búgin “biznes nıqabı” astında dáramatlı tarawlarǵa kirip barmaqta. Ásirese, jınayıy toparlardıń jumısı kóp qabatlı turaq jaylar hám avtomashinalar aldı-sattı, finanslıq piramidalar shólkemlestiriw, “Haj” hám “Umra” zıyaratına jiberiwde biraz kóbeygen.
Qalada kvartira satıw máselesinde 3 mıńnan aslam puqaraǵa 1,3 trillion sum zıyan jetkerilgen.
Juwapkerler xalıqtıń aldawshılardıń duzaǵına túsip qalmawı ushın huqıqıy sawatlılıǵın arttırıw boyınsha jumıs islemey atırǵanı kórsetip ótildi.

ÓzA